乞兒雞!

今日係呢個學期最後一日返學，

老師和小朋友都好開心o架；

過埋明天畢業典禮，

就可以放暑假啦!

嘻嘻，

值得慶祝!

今日係學校，

我整咗呢個乞兒雞俾同事食，

個個都話正呀!

材料: 雞2隻、荷葉2塊、麵粉1斤、鹽和油各少許、薑4大塊和蔥段

醃料: 鹽焗雞粉2包，鹽1.5茶匙、紹酒少許

做法: 雞洗淨後用醃料搽勻雞身內外，

將薑蔥放入雞內放入雪櫃醃隔夜；

把麵粉、1茶匙鹽和水將麵粉搓成糰後，

加少許油搓勻(不需要搓至光滑，成糰便可)；

預熱焗220度15分鐘；洗淨荷葉後，將雞放入荷葉內包好，

再將粉糰壓平後包好荷葉雞，盡量包至唔好有洞，

放入焗爐焗2小時便成。

 

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page