自家麵條~四川擔擔麵!

 

近排見blog友仔個個都整麵條，

等我又摷番部麵條機出嚟玩下先得。

跟孟老師的中式面食呢本書嘅做法，

不過材料就加大份量，

唔係就唔夠大小魔怪食啦!

當我搓到手軟時，

係書中發現呢兩句:

如家中有攪拌機和壓麵機，則將麵糰攪成糰狀即可。

麵條做法:
材料: 高筋麵粉250g、低筋麵粉250g、鹽半茶匙、水225g

做法: 將麵粉、鹽和水混合，水要慢慢加入麵粉中，

由鬆散麵糰搓成光滑唔黐手，用濕布蓋著等30分鐘，

取出麵糰切開4份，用擀麵捧擀平後，

放入壓麵機調教9度壓麵糰兩次，

再教7度和4度壓麵糰，灑少許麵粉在麵皮上，

放入切麵機中切成粗條；將麵條放入滾水中出水後，

加入喜愛的材料或湯料，就有好味嘅自家麵食啦!

四川擔擔麵醬做法:
材料:  豬肉碎$20、四川擔擔麵醬2湯匙、蒜蓉、乾蔥蓉、

半個青瓜、鹽少許、蔥粒

醃料: 豉油、老抽、糖、粟粉和麻油各半湯匙、水2湯匙

做法: 豬肉碎用醃料醃半小時；青瓜去皮刨絲用鹽醃15分鐘，

用清水沖洗後瀝乾水份備用；燒熱油鑊爆香蒜蓉和乾蔥蓉，

倒入豬肉碎快炒(盡量將肉碎炒散)，炒至豬肉碎8成熟後，

加2湯匙四川擔擔麵醬和1碗水煮滾後盛起；

將麵條放入碗中，加入四川擔擔麵醬、青瓜絲和蔥粒撈勻便成。

 

 

 

 

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page