2012年2月21日 星期二

粟米魚肚肉碎羹!

大小魔怪嘅口味有時都幾奇怪,

佢哋鐘意飲湯,

不過唔係老火煲,

而係罐頭湯呀!

呢個粟米魚肚肉碎湯,

簡直係佢哋嘅至愛,

每人起碼會飲3碗以上呀!








材料: 地們粟米蓉2盒、豬肉碎$10、魚肚4條、雞蛋1隻、

薑片、馬蹄粉3湯匙和3湯匙水

醃料: 豉油、糖、粟粉和水

做法: 用醃料醃豬肉碎半小時;雞蛋攪勻備用;

馬蹄粉用3湯匙水開勻備用;魚肚用水浸軟,燒熱一鍋水,

加薑片放入魚肚出水15分鐘,唔好開蓋焗多大半個鐘,

洗淨內裡的沙粒,切絲備用;倒入2盒粟米蓉加2盒水放入煲內煮滾,


水滾後加魚肚煲15分鐘,放入肉碎後滾多5-8分鐘,

加入鹽調味和馬蹄粉水攪勻至杰身,
最後熄火落蛋漿攪勻,

隨個人喜好加胡椒粉調味便成。



 

大家可以入嚟Facebook讚下我新開嘅Fans專頁呀! 


沒有留言 :

張貼留言

如果大家覺得我煮嘅餸菜啱哂口味嘅話,不妨留個言,鼓勵下我啦!