蘭花鳳翼!

係呢個咩嘢都貴嘅時代，

做家庭主婦就最頭痛啦!

又要慳家，

又要家人食得飽肚，

真係要花D心思o架!

點慳法???

我係每次買雞翼都留起幾隻，

儲儲埋埋10隻左右就可以煮一餐餸o架啦!

加埋西蘭花墊底，

大大碟，

都可以上得吓枱o架!

我仲改咗個好令令嘅名添~蘭花鳳翼!
 

 

 

 

材料: 雞翼10隻、西蘭花2個、蒜蓉、紹酒

醃料: 蠔油、豉油、老抽、糖、麻油、粟粉和紹酒

做法: 雞翼解凍後，切開一半，用醃料醃1小時；

西蘭花用鹽出水後浸冰水過冷河備用；

燒熱易潔鑊落油加雞翼煎煎兩面，

加入餘下汁料和大半碗水煮至收汁；

另燒熱鑊落油爆香蒜蓉，加西蘭花快炒贊酒，

落少許鹽調味和少半碗水，加蓋焗1-2分鐘左右盛起，

將雞翼舖在西蘭花面便成。

 

 
 

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page