2011年9月30日 星期五

梅菜豬肉釀節瓜脯!



昨日煮煲仔飯用剩咗少少梅菜豬肉,

蒸又唔夠一碟,

唯有諗諗計睇吓點煮啦!

見雪櫃又有2個細細個嘅節瓜仔,

嘻嘻!

有計啦!

就係咁,

摷哂屋企D剩餘物資,

整咗呢個餸呀!


 

2011年9月29日 星期四

梅菜豬肉臘腸煲仔飯!

多得颱風納沙,

等我哋有一日特別假期;

當大小魔怪知道8號風球時,

即刻成個生猛哂,

齊齊打機啦喂!

魔怪仲開心,

因為明天教師發展日,

可以連放4日假呀!

今日煮咗我最拿手嘅打風餐~梅菜豬肉臘腸煲仔飯!
 
 
 

尖沙咀The One 東海海都酒家~大閘蟹宴!

 

今朝仲係8號風球時,

都幾驚今日嘅約會會取消;

好彩到咗下午後,

風球落咗,

天氣開始冇落雨,

咁我哋又可以出街玩啦!

今次出席有lonely+囡囡、mei、sand sand、好子和我,

齊齊去尖沙咀The One 東海海都酒家食大閘蟹呀!

今餐俾我想像中好食呀!

值錢又唔貴,

6個人食咗$1880咋!

2011年9月28日 星期三

滑滑蠔油肉碎豆腐!

 
今日打開個亞虎blog,

又加咗D新嘢喎,

就係標題旁邊嘅~我的心情公仔啦!

話時話,

個公仔一D都唔靚,

仲有少少醜樣添!

唔逐個睇都唔知佢想表達咩嘢心情呀!

另外,

click入頁頂~我的設定裡面,

多咗一欄~最近訪客,

咁就睇到邊個blog友仔嚟過探我啦!


 

2011年9月27日 星期二

鹽焗烏頭+普寧豆醬!


今日我哋食鹽焗烏頭,

我仲買咗支普寧豆醬點嚟食,

呢個豆醬咸咸哋,

用嚟點呢個烏頭就最啱啦!


 

2011年9月26日 星期一

蜜糖黑椒焗雞翼!

 
焗雞翼,

真係好方便,

醃咗佢放入焗爐焗熟佢就得,

最梗要係搽少少蜜糖係雞翼面,

咁就唔使BBQ就有好味嘅燒雞翼食啦!


2011年9月25日 星期日

青瓜雲耳炒素雞!

 
今日真係好無聊,

想出街咩又落大雨,

濕濕淋淋,

唯有開部冷氣瞓個晏覺,

爽呀!

今日開始要食得清淡D啦!


 

2011年9月24日 星期六

新玩具之自製麵條~炸菜肉絲麵!


今日終於有時間玩新玩具啦!

唔知係咪我仲係整麵條BB班,

整出嚟嘅麵條有大有細、有長有短,

雖然已經有部機幫手切麵,

不過都攪咗我2個鐘頭囉!

真係要好好食真D麵條嘅味道囉!
 

2011年9月23日 星期五

蕃茄薯仔支竹排骨湯

 
蕃茄薯仔湯飲得多,

大家有冇飲過於蕃茄薯仔支竹排骨湯呀???

呢個湯係我家例湯之一,

因為我鐘意食支竹,

又鐘意飲蕃茄薯仔湯,

所以我將佢哋合二為一,

大家鐘意嘅話,

不妨試吓啦!




 
 


大家可以入嚟Facebook讚下我新開嘅Fans專頁呀! 




2011年9月22日 星期四

紫蘿炒雞柳!

 

今日,同事幫我買咗樽紫薑,

呢樽紫薑都幾啱我口味,

唔太辣、好脆口,

仲唔太酸添!

用嚟炒餸就最啱啦!


2011年9月21日 星期三

魚香雞粒炆茄子!

 
雖然話咸魚係冇益嘅食物,

但整親呢個炆茄子,

咸魚簡直係呢碟餸嘅靈魂呀!

大小魔怪一見到即刻問:


 媽咪,個飯煲仲有冇飯呀???
 
 

2011年9月20日 星期二

燒排骨!

 
今日亞虎e-mail好番啦!

不過一次過要我睇番呢300幾個電郵,

睇到眼都朦埋啦!

真係人都顛呀!


2011年9月19日 星期一

蔥油鹽焗雞!

 
本來呢個餸係用沙薑粉嚟醃雞,

不過我發雞盲睇錯咗食譜,

買咗鹽焗雞粉,

唯有將錯就錯啦!


2011年9月18日 星期日

馬蹄肉山!

 
蒸肉餅,

我鐘意自己親手剁o架!

之後將豬肉碎加少少水攪至起膠狀,

咁蒸出嚟嘅豬肉就會好滑啦!


 

2011年9月17日 星期六

紅磡都會海逸酒店自助晚餐!

 

今日我哋blog友又有聚會,

出席有T&P伉儷、lonely、bigheadMable@草、sand sand和我,

地點係紅磡都會海逸酒店。

大致D嘢食都唔錯呀!

值得推介係甜品,

芒果拿玻侖、杏汁燕窩和魚翅湯,

味道唔錯呀!

不過大家都覺得以咁嘅價錢,

冇新鮮蠔食,

每人要成$450,

(我哋已經打咗8折)

好似唔抵囉!
 

2011年9月16日 星期五

咖哩洋蔥薯仔炆雞!


 
呢排都唔知發生咩事,

叫起手想要嘅野,

永遠都搵唔到,

搵一大餐之餘,

自己又好炆僧;

有時索性唔搵佢咩,

買過新啦!

隔幾日又出現番,

真係人都顛呀!


 

材料: 雞1隻、薯仔2個、洋蔥1個、利川咖哩一罐和蒜蓉

醃料: 豉油1湯匙、老抽半湯匙、糖2茶匙和紹酒少許

做法: 雞斬件後用醃料醃1小時;薯仔和洋蔥去皮切大件;

少許油落Le-creuset 24cm湯煲,爆香蒜蓉、洋蔥和薯仔,



加雞件快炒後,倒入1罐利川咖哩和1碗水煮20分鐘,

 
最後落粟粉水埋獻便成。

(如果用普通煲嘅話,就要加3碗水去炆雞啦!)



 
 
大家可以入嚟Facebook讚下我新開嘅Fans專頁呀! 


 

2011年9月15日 星期四

紫菜六寶河!



自從買咗部新電話之後,

我竟然被隻"雀"吸引住,

攪到我茶飯不思,

日日唔望吓佢玩吓佢,

我個心肝仔都唔舒服呀!

連煮餸都冇咩心機囉!



2011年9月14日 星期三

蝦醬豬扒!


今日亞虎又short short哋,

全日收唔到大家係blog裡面回應和回覆嘅e-mail,

真係激死人啦!

唔知幾時先整番好呢,

依家我有少少問題就會e-mail俾亞虎,

煩下佢哋都好嘛!

自上次整咗個蝦醬雞翼之後,

到依家我仲回味緊呀!

今日就整咗呢個啦!

2011年9月13日 星期二

白菜木耳豬肉餃子+蟹柳棒棒+稻庭真打烏冬!

 
上次係大埔買嘅稻庭真打烏冬,

就係今次要清嘅目標啦!

唔食過都唔知原來呢款烏冬真係特別滑o架!

加埋半包蟹柳棒棒,

今次我包咗70隻餃子,

有放湯的、有混醬的,

仲有炸餃子食添!

廿皮唔使~三文魚頭蕃茄豆腐湯!


買咗個新電話後,

睇嚟我要勤力D打斧頭先得囉!

今日介紹呢個三文魚頭蕃茄豆腐湯,

真係抵到廿皮都唔使呀!

個三文魚頭係大昌買$9.9,

買咗4個蕃茄都係$6,

豆腐一磚$3.5,

加加埋埋都係$19.4咋!


 

2011年9月12日 星期一

又嚟敗家!



今日放咗工,

無無聊聊行咗去people門市,

問個sales有冇最新Samsung Galaxy SII~白色,

佢竟然話有,

攪到我心思思、手痕痕,

就係咁出咗部新電話啦!

仲轉咗個無限上網plan$68,

至於機價呢???

$4680咋!

買埋個靚靚粉紅色保護套,

好靚啊!

唔知有冇人sponsor我呢???

冇就要大小魔怪節衣縮食啦!

哈哈!
 
 

2011年9月11日 星期日

魚露煎虎蝦!



噚日係百佳買咗盒虎蝦,

本來對佢哋期望唔大o架!

不過食落又唔係喎!

質感都幾爽呀!
今次我用咗魚露代替豉油,

個汁簡直超正,

小魔怪差D連蝦殼都食埋呀!

呢盒虎蝦買得過o架,

一盒都係$39.9!

 

2011年9月10日 星期六

中秋節快樂~開飯啦!


各位blog友仔,

中秋節快樂呀!

見今日放假係屋企,

唔想同其他人逼係街市買餸,

所以我哋今日提早過節呀!

遲D先同大家分享個食譜,

開飯啦!
 

豉油雞(一個字~滑)



自製燒肉(勁脆皮)



蠔油冬菇蠔豉生菜(一般過節餸)



魚露蝦(勁好味道)




粟米魚肚羹(例湯)



大合照
 

 

 
大家可以入嚟Facebook讚下我新開嘅Fans專頁呀! 


 

2011年9月9日 星期五

叉燒醬焗雞翼!

 
大小魔怪係雞翼狂好多人都知,

要諗唔同烹飪方法都幾難o架!

好彩雪櫃有幾樽不同醬料,

間中用嚟醃雞翼都唔錯o架!

 
 

2011年9月8日 星期四

老少平安!

 
奶奶頸部位置生骨刺,

影響到食慾不振,

食止痛藥又有副作用,

我想幫都幫唔到佢呀!

惟有煮D啱佢食嘅餸啦!


 

2011年9月7日 星期三

日泰朗放題料理!

 
今日,

好多謝Annie請我食晚飯,

慶祝我生日呀!

地點係佐敦白加士街66號新寶廣場7樓全層~日泰朗放題料理,

我哋食咗好多嘢,

食唔夠一個鐘已經飽飽啦!

如果要求唔高嘅話,

呢間D嘢食OK架!

呢間仲有火鍋食品,

不過我哋冇點呀!


2011年9月6日 星期二

薑蔥蒜花雕雞扒!

 
早幾個月前幫大小魔怪轉咗電話plan,

點知自己又朦查查咁將電話費交去舊電話公司,

好彩我有check銀行月結單,

即刻打去追番2個月電話費,

攪一大輪,

都唔知幾時先攞番D錢呀!


2011年9月5日 星期一

一年食一次好啦~黃金蝦!

 
今日係我正日生日,

好多謝大家嘅祝福呀!

襯住今日生日,

我放肆自己一次咁多啦!

不過食嘅過程裡面,

真係好有罪惡感呀!

罪過罪過!

 

2011年9月4日 星期日

慶生的第二炮~生日宴之金百利酒家!

 

祈祈BB最近唔舒服,

感冒流鼻水,

仲有D咳咳添,

大家都唔想去咁遠,

所以近近哋揀咗火炭金百利酒家,

為我慶生呀!

一圍全包宴、有K唱、有麻雀耍樂,

都係$2388,

唔知係咪大家細食咗,

竟然食唔哂D嘢,

我哋打包咗4盒返屋企呀!

大家都好欣賞我整嘅藍莓芝士蛋糕,

個個話俾滿分添!

姐姐仲帶咗D雪糕月餅請我哋做飯後甜品呀!

慶生的第一炮~藍莓芝士蛋糕!


 
又大一歲啦!

雖然仲有一日先到,

但係母親大人佢哋今日book咗間酒樓房,

請我唱K、麻雀耍樂兼食晚飯,


 (不過唔出錢俾我打牌呀!)

為咗答謝家人嘅厚愛,

我專登整咗個芝士蛋糕請大家食,

希望佢哋鐘意啦!

慶生的第一炮~藍莓芝士蛋糕!
 

2011年9月3日 星期六

鮑汁花生炆雞腳!

upgrade咗之後,

亞虎將我D旅遊網誌完全隱藏咗,

e-mail咗幾次叫佢哋跟進都已經幾個星期,

次次都話跟進緊喎;

唉!

都係要自己再編輯過D網誌先出番嚟,

咁又用咗我半日時間啦!



材料: 2磅急凍雞腳、花生($5)、蒜蓉、薑片、紹酒少許

調味: 美x棧鮑魚汁3湯匙、蠔油1湯匙、豉油和老抽各1茶匙、

糖1茶匙、粟粉1茶匙

做法: 燒熱一鍋水,加鳳爪、薑片和紹酒出水5分鐘,

瀝乾水份去甲備用;花生浸15分鐘後,

加3碗水煲花生1小時15鐘熄火(不用開蓋繼續焗);

用Le-creuset 24cm 湯煲,把調味、花生(連水)和1碗水先
用大火先煲滾後,

加入雞腳轉用小火炆30分鐘,


最好熄火唔好開蓋繼續焗半小時以上。

(如用普通煲,則需要加多3碗水炆鳳爪啦!)




 

大家可以入嚟Facebook讚下我新開嘅Fans專頁呀! 

2011年9月2日 星期五

醉雞翼拼火雞腎!


 呢個醉雞翼拼火雞腎,

係我哋夏天嘅常客嚟o架!

雪凍佢嚟食,

爽呀!




材料: 雞翼2磅、火雞腎1磅、醉雞汁1支、花雕酒1碗、

冰粒和冰水、薑片和蔥

做法: 雞翼和火雞腎用薑蔥出水15分鐘,

將雞翼和火雞腎撈起浸冰塊和冰水10分鐘,

把雞翼、火雞腎(切片)、醉雞汁1支和1碗花雕酒放入大盒內,

雪半天或隔夜便成。
(浸得越耐越入味呀!)



 

大家可以入嚟Facebook讚下我新開嘅Fans專頁呀! 


元朗~金記燒臘餐廳!

係依家樣樣貴呢個時代,

想食個平平哋午餐都幾難囉!

好在係元朗,

仲有廿零蚊個燒味雙拼飯食呀!

元朗金記燒臘有兩間,

一間係水車館里(裝修新D冷氣夠),

一間係大橋街市後面(舊舖多本地人)。

一碗$24、一碟$25,

加飲品(冷熱)或例湯加$7。

我梗係食一碟啦!

 
 
 
 


大家可以入嚟Facebook讚下我新開嘅Fans專頁呀! 

2011年9月1日 星期四

滑滑的蒸盲曹!

我都幾鐘意食盲曹魚o架!

冇咩骨,又多肉,

D魚肉仲滑滑添,

簡簡單單的蒸10分鐘,

淋上熟油和豉油,

好鮮味呀!