2011年8月31日 星期三

開學啦!我甩難啦!

2個月漫長嘅暑假終於結束了。

過埋今日,

大小魔怪已經係一個中五學生,

希望佢哋生生性性,

好好讀書,

唔好做大食懶呀!

為咗慶祝呢兩隻蝗蟲唔再留係屋企食哂我D糧餉,

我要好好慶祝一下!


2011年8月30日 星期二

蝦醬炸雞翼!

今日整個好鬼惹味嘅雞翼,

就係蝦醬炸雞翼啦!

我用個煎pan加多少少油,

用半煎炸嘅形式嚟炸雞翼,

咁就唔怕嘥油啦!

啱啱炸起我同大小魔怪都忍唔住,

每人食咗一隻,

太好味道啦!

我俾101分呀!

(提提大家,我用流浮山蝦醬醃o架!)




2011年8月29日 星期一

螞蟻上樹!

今日唔知做咩鬼???

亞虎又唔俾我post相啦!

攪咗好耐先寫到,

激死我啦!

仲有呀,

終於明白要將字體設定為一般,

先可以加入顏色,

再轉大字體,

唔係D字會又大又細,

攪到我頭到暈埋呀!




2011年8月28日 星期日

翻版肴肉!

 
肴肉食得多,

自己整就未試過,

今次試吓用咸豬手整,

唔知掂唔掂呢???


2011年8月27日 星期六

中國布吉遊~六千館!

 


今次返中國布吉,

最主要係試搭新地鐵,

車程大約40分鐘,

車費6蚊人民幣咋!

晚上我哋去咗六千館食嘢呀!
 

2011年8月25日 星期四

健康飲料~絞股藍茶!

除咗飲白背木耳湯,

其實有一種茶葉都有用相同的效用,

就係呢隻絞股藍茶啦!

佢有消炎解毒、止咳袪痰,適用於動脈硬化,高血脂、

支氣管哮喘、胃潰瘍和高膽固醇等。



2011年8月24日 星期三

白背木耳紅棗水&涼拌木耳絲!



人到中年,

係時候開始要注意健康啦!

最近聽同事話煲呢個白木耳紅棗水,

可以降膽固醇、血脂和三酸甘油脂喎,

簡單做法:

1兩白背木耳、8粒紅棗、1片薑、


3碗水煲20分鐘再焗一陣,

連水連木耳一齊食,

食足一個月就有效啦!

我見D木耳冇咩味道,

加咗少少蒜蓉、豉油、鎮江醋、糖、麻油和蔥粒,

撈勻雪凍佢嚟食,

咁就一D都唔嘥嘢啦!



2011年8月23日 星期二

佐敦三德素食館!




今晚,

約咗lonely, 亞mei,好子和我,

齊齊去佐敦三德素食館食齋,

健康又美味呀!


2011年8月22日 星期一

黑椒洋蔥燴黑豚豬扒!


正,

好鬼正,

呢個黑豚豬梅頭扒正正正呀!

我一D都冇剁,

就咁醃醃佢就煎啦!

肉質夠腍唔韌,

記得認住佢個樣先得,

下次要再去大埔入貨呀!



2011年8月21日 星期日

嬰兒寄洗!

 


今日係祈祈BB嬰兒寄洗的大日子,

妹妹妹夫邀請我們一家出席典禮;

老公對官塘嘅路唔係咁熟,

於是我一早睇定google地圖,

希望我能夠幫佢帶路啦!

好彩最後能夠順順利利搵到官塘瑞寧街基智中學,

準時出席咋!  

 

2011年8月20日 星期六

大埔墟街市&熟食中心~東記上海麵!

 


今日下午放咗工,

我約埋lonely一齊入大埔,

等埋lonely囡囡、照顧她的姨姨和孫女,

佢哋帶我去見識見識呢間好多人話好食嘅豬扒麵,

我哋去到都差不多2點,

好多人呀!

唔知係咪多人食嘢出單唔唔切,

跟單姐姐又成日出錯,

俾D食客罵到暈呀!

最最最唔掂係坐膠櫈同埋地下太滑,

以我有番咁上下斤兩,

好易"凳"親嘛!

食飽飽,

梗係要去聞名已久嘅梁九記逛一逛啦!


2011年8月19日 星期五

亂棍打死牛魔皇!


牛牛係我和大小魔怪嘅至愛,

但由於奶奶唔食牛,

所以我哋都係間中先會煮牛牛嚟食;

今晚唔理咁多,

炒咗個亂棍打死牛魔皇,

滿足吓大家對牛牛嘅食慾呀!




2011年8月18日 星期四

後欄著火~魚肉釀辣椒!

咪睇少同事俾我嘅辣椒,

雖然樣衰衰咋,

但原來好鬼辣o架!

連食得辣嘅老公都話勁呀!

我食咗一啖已經頂唔順啦!

剩係挑咗舊魚肉食都已經辣到條脷好鬼痛,

老公話喎:呢次實後欄著火啦!



2011年8月17日 星期三

媽媽的味道~蜜糖焗雞翼!

同事成日問我,  

有冇D餸係用最最簡單嘅調味嚟整o架!

梗係有啦!

呢個蜜糖焗雞翼,

簡單又好味道,

以前媽媽會煎俾我哋食,

依家我用焗嘅方法去整,

就係佢啦~媽媽的味道,

好懷念啊!




2011年8月16日 星期二

椒鹽蒜香豬扒配菜飯!

同事又攞咗D元朗特產俾我啦!

就係佢嘅後園種嘅龍眼和辣椒啦!

雖然D龍眼細細粒,

不過超甜超好味道呀!

今日用咗D辣椒,

整咗呢個惹味嘅豬扒呀!

可惜吖!

煮咗3杯半米,

都係唔夠大小魔怪食呀!



2011年8月15日 星期一

鮑汁螺片炆鴨腳(小棠菜)



轉咗新版後,

其實唔難搵舊blog友o架!
 
有個蠢蠢哋嘅方法,

就係只要求求其其click入一個舊版blog,

妳就可以睇到"blog友"呢欄,

咁就搵到~誰聯繫著我嘅blog友仔o架啦!

當大家都upgrade咗之後,

到時就自動變咗"關注"啦!

咁就唔使煩啦!



2011年8月14日 星期日

蒜泥白肉!

我upgrade咗個blog之後,
收到blog友仔嘅電郵,
全部都係我都唔識,
死火囉!
呢D全部都係blog友仔嘅全名嚟o架!
大家可以click入妳哋張相下面有個查看個人檔案,
再click資訊果格,
再click修改基本資料,
將妳個全名改咗為妳個網名,
而暱稱都係網名,
咁妳嘅email顯示就會出網名o架啦! 


2011年8月13日 星期六

香煎鮫魚!

今日,

用咗半日時間嚟摸熟呢個新blog,

又唔係好似blog友仔講得咁差喎,

係就係冇舊版blog咁易用o架啦! 

還掂遲早都會轉咯,

咪早D摸熟佢囉!

有樣嘢唔好係轉咗新blog後,

亞虎仲未有新平台俾我哋出post,

即係話剩係得自己關注嘅朋友仔,

先可以睇到我哋嘅blog呀!

佢哋俾我嘅回覆係:


關於您的查詢,很抱歉,

全新Y! BLOG目前尚無提供此最新文章分類的功能。

不便之處、敬請原諒。

我們建議您將對方加入關注名單,

並透過全新Yahoo! BLOG提供的「最近更新」顯示功能,

直接點選「最近更新」,

以更快速取得關注用戶的最新更新內容。



2011年8月11日 星期四

黑芝麻蛋糕!

呢排咁鬼熱,


真係冇咩心機焗蛋糕;

見今日落雨涼涼哋,

而大小魔怪又話好肚餓,


好啦!好啦!


等一陣有蛋糕食啦!


2011年8月10日 星期三

炸印尼蝦片!

黃色暴雨警告生效,

我一早返到屋企,

見冇所事事,

又摷到盒印尼蝦片,

咁就成為咗我哋今日嘅小食啦!


咸菜炒豬肚!


好耐冇飲咸菜胡椒豬肚湯,

不過大熱天時飲又好似唔係幾啱,


所以今日用小炒嘅形式,

做咗呢個咸菜炒豬肚啦!


2011年8月9日 星期二

涼瓜菜脯炒蛋!


今日老公去政府牙科檢查牙齒, 


我就順便排期檢查牙齒兼洗牙,
唔排都唔知咁誇張,
原來新証要排到2013年呀!
雖然公務員和家屬免費啫,
但都唔使排咁耐o架!
至於老公???
佢主要係排期脫智慧齒,
心中想起碼要等一年半載先有得脫,
點知個醫生話呢排冇期喎,
不如今日幫你脫啦!
就係咁,
老公脫咗隻智慧齒啦!


2011年8月8日 星期一

孜然雞翼(土匪雞翼)!

大家知唔知今日係中國節氣之一嘅立秋呀!


立秋過後,

即係我哋已經邁向秋天,

熱到爆嘅的夏天即將離我而去,

真係好想涼爽嘅秋天快D嚟呀!


2011年8月7日 星期日

叉燒!

今日下午3點左右,
天文台顯示香港溫度有35度,
朋友仔話係佢個花園錄到40度添,
有冇咁誇張呀!
真係熱到爆呀!


2011年8月6日 星期六

咪嘈生哂啦!

終於收到電費單啦!

今期要交$2239,(2個月)

老公開始嘈生哂,

話我哋日開夜開冷氣喎!

大佬呀!

天氣咁熱,

而且成屋都係人,

唔開冷氣好難頂姐!

簡簡單單一餸一湯,

唔知夠唔夠大小魔怪食呢???


2011年8月5日 星期五

舊同事聚會!

今日,

約咗舊同事聚會,

一面食一面傾,

同事好似食咗防腐劑一樣冇變,

而我就好似食咗膨脹劑,

吹脹呀!

2011年8月4日 星期四

魚露炸雞翼!

平時我起碼要瞓8個鐘頭以上先足夠o架!

但噚晚出咗去食晚飯,

所以瞓得5個鐘咋!

今朝返工勞碌咗半日,

超攰囉!

整個香口雞翼,

加埋杯冰凍梅酒,

嘆番下先得到!


2011年8月3日 星期三

Backpay party!

 


今日,

老公公司攪backpay party,
有得打牌、有得唱K、仲有得食添!
咁好玩,
點少得我呢!

2011年8月2日 星期二

元朗陸記正宗桂林米粉!



上星期,

有幾日同同事放工後出街食飯,
我哋好鐘意嚟呢間食粉麵,
又鐘意食白涼粉;
可惜座位面積有限,
我哋個個都大大隻,
好逼呀!
(呢間係元朗又新街!)

牛腩紅薯粉

排骨紅薯粉

冬菇雞絲紅薯粉

滷水豬耳

炸豬大腸

凍檸茶爽(白涼粉)



 
 

 
大家可以入嚟Facebook讚下我新開嘅Fans專頁呀! 

 

2011年8月1日 星期一

都係清啖D好!

呢排唔知係咪成日出街食飯,

我有D飽飽滯滯嘅感覺添,

所以今日煲咗一碗潮州粥俾自己,

另外煲咗3杯半米俾大小魔怪佢哋食,

Oh,no!

今餐個飯煲又見底啦!


菜飯套餐!

幼稚園一連兩日整冷氣,

唔想焗病,

所以我哋個個偷懶一日唔返工,

希望明天個冷氣會整番好,

唔係就熱死我啦!