2011年6月30日 星期四

五香肉丁腸仔雜豆炒烏冬!


呢餐所用嘅食物材料,

全部都係屋企嘅存貨嚟o架!

唔使買餸,

簡簡單單又一餐呀!

 

2011年6月29日 星期三

鮮草菇雞絲燴豆腐!

 
近期物價咁高漲,  


做主婦嘅我真係要慳得就慳呀!


依家要整一個十零廿皮嘅餸,


真係難上加難囉!


不過,


今次又俾我攪掂喎!
 


2011年6月28日 星期二

美極炸雞軟骨!

 
好耐冇炸嘢食啦!


呢個小食真係越食越想食,


如果有埋杯冰凍啤酒,


咁就very good啦!

 

2011年6月27日 星期一

燒排骨!

呢個星期六,
 

係幼稚園派成績表嘅大日子;


年年呢個時候校長就最忙,


忙於睇我哋幾位老師所寫嘅評估報告,


一共有7班百幾個學生,


睇到佢眼都花呀!


而我哋老師就最驚,


驚校長睇唔哂呀!

最衰係校長會改我哋報告內容,


都唔知改成點吖嘛,


睇怕7月1日都冇得放假囉!

 

2011年6月26日 星期日

鮮草菇絲瓜雲耳魚肚杞子浸魚湯


今日我個髮形由乾旱嘅公仔麵變咗做滑滑意大利粉,
 
又由滑滑意大利粉變咗黑黑的墨魚麵,
 
全程坐足5個鐘,
 
腰骨都直埋呀!
 
攪到差不多下午5點先返到屋企,
 
又想有湯飲,
 
呢個湯係一個唔錯嘅選擇呀!

 

2011年6月24日 星期五

咖哩海鮮煲+自製薄餅!

 
 
我姐姐係新加坡出差時,

買咗D肉骨茶包和咖哩魚包俾我,
真係唔該哂呀!
我最鐘意呢個A1牌子嘅咖哩,
 
真係好鬼正o架!
 
好香好辣好好味!

2011年6月23日 星期四

白菜木耳豬肉餃!

 
颱風海馬襲港,
 
俾我有2日額外的假期,
 
雖然我只係返半日工,
 
不過唔使返工感覺係好舒服o架!
 
呢兩日早上休休閒閒的,
 
真係要搵D嘢做吓先得!
 
收到家樂牌送嘅禮品包
 
梗係要即刻用啦!
 
今次總共包咗55隻,
 
小魔怪考完試返到嚟,
 
一口氣食咗25隻呀!
 

2011年6月21日 星期二

梅菜肉山!

 
要做好食嘅肉餅,
 
真係唔懶得o架!
 
一定要親手剁肉餅先好食,
 
今次整呢個梅菜肉山,
 
靈感取自大X活嘅火山肉蛋。
 
唔好講咁多,
 
裝定碗飯慢慢嘆先得!

 

2011年6月20日 星期一

撐枱腳~蓬萊咖哩屋!


上星期六下午,

我放咗工後,

約埋老公齊齊撐枱腳呀!

揀咗呢間係元朗安寧路嘅~蓬萊咖哩屋!

死囉!

原來我咁鐘意食印度咖哩,

唔通我前世係印度人???

我哋叫咗中辣嘅咖哩牛配飯和咖哩雞配薄餅,

加埋好好飲嘅凍咖啡和凍檸茶,

都係$90咋!

仲唔使加一添!


父親節晚餐!

 
今日下午,

我和老公去我姐姐家慶祝父親節。

點知架老爺車又擺工~冇電,

老公於是急call的士司機,

睇吓佢哋有冇過江龍,
 
幫手駁電叉電,
 
好好彩整番好,
 
俾咗$100個的士司機,
 
我哋又有車用啦!
 
今日呢餐父親節晚餐唔係我郁手,
 
全部由姐夫包辨,
 
我剩係食和打麻雀呀!

2011年6月18日 星期六

開派對!


明天是父親節,

我雀后祝天下父親,

父親節快樂呀!

今日我又偷懶唔煮飯,

叫外買家鄉雞,

一家6口(包括工人姐姐),

竟然叫咗個~派對狂熱套餐$339:

10件家鄉雞、4件香辣脆雞、4件狂惹香燒雞、4隻蜜蜜燒雞翼、

家鄉雞皇飯、辣汁蘑菇飯、4個薯茸、4條粟米、

格格脆薯塊、5件巴辣雞翼、2盒巴辣雞粒。

2011年6月17日 星期五

例牌!


伙記,  


今日例牌係咩呀???


乾炒黑椒洋蔥豬扒意粉!


咁餐湯呢???


老細,

今日得中湯咋,


瓜粒冬菇瑤柱肉粒湯!


咁唔該同我寫個加大加大再加大嘅例牌啦!


仲要快上呀!


好肚餓呢!

 
 

2011年6月16日 星期四

蜜汁焗豬寸骨!

 
大家有冇諗過幾時攞香港政府派嘅$6000???

如期登記等收錢,

或等出年2012年4月份先登記,

遲D登記就可以攞多$200啦!

攞唔攞呢$200好呢???

 

2011年6月15日 星期三

食蟻???

 
今日整個簡單又好味嘅餸,


不過個名就有D核突啦!


螞蟻上樹!


唔知我家大小魔怪鐘唔鐘意食呢???

 

2011年6月14日 星期二

柱候支竹炆豬軟骨!

 
本來諗住炆定個豬軟骨等聽日食,

不過一路炆,

大小魔怪已經話好香,


仲話唔好等聽日先食喎!
 
 
咁唯有改改今日晚餐嘅餸,
 

打尖食咗呢個豬軟骨啦!
 

 

2011年6月13日 星期一

8分鐘~菜芯豆腐墨魚丸湯!

 
昨日工人姐姐放假,


自己又要做學生嘅成績表,


唯有係食方面懶得就懶呀!


一煲湯,


有菜、豆腐和墨魚丸,


大小魔怪話日日飲都唔錯喎!

 
 

2011年6月12日 星期日

椰汁紅豆糕!

 
同事話好想食椰汁紅豆糕,

仲話要我影低個過程俾佢睇,

拿,

睇清楚D啦!

下次輪到妳整俾我食啦!

2011年6月11日 星期六

仲未驚完呀!


朝早有隻雀仔入咗屋,

老公話飛走咗喎!
 

一路我都唔知,
 

原來隻雀仔飛咗入我房,
 

死雀仲係我條褲度開大添!
 

當佢飛番咗出廳後,
 

嚇到我成個彈起,
 

仲同大小魔怪速速逃入咗房,

 

死雀係個廳度亂飛,
 
 
老公和工人姐姐都冇哂辨法,
 

到最後我都係要同老公夾手夾腳趕佢走,

 
攪到我依家個心肝仔仲卜卜跳呀!


 

2011年6月10日 星期五

吃得苦中苦!


吃得苦中苦,

方為人上人 !

今日呢餐唔可以講係魔怪仔愛吃篇,

因為佢哋極唔鐘意食苦瓜,

但苦瓜係米飯班主嘅至愛,

所以今日應該係米飯班主愛吃篇呀!
 

 
 

2011年6月9日 星期四

青豆角午餐肉炒蛋!

 
睇見Blog友炒呢個餸,

我又記起我細細個好鐘意午餐肉呀!

只要打風落雨,

母親大人就會開罐頭送飯,

午餐肉、茄汁豆、回鍋肉等等,

所以我哋都幾鐘意打風落雨o架!

 

2011年6月8日 星期三

煎釀茄子!

 
依家到街市買餸,


真係好鬼頭痛o架!



唔係有幅射,



就係有農藥,


加埋塑化劑呢單嘢,


我哋就嚟咩都唔係食o架啦!


係呢個搵食艱難嘅日子,


俾我買到D又平又靚嘅茄子,


$4有2個,


加埋半斤魚肉($16),


廿皮一碟餸,



妳哋話抵唔抵呢???
 


2011年6月7日 星期二

玉露雞!

 
昨晚,
 
整咗熙媽的名菜玉露

連母親大人都讚好味道,

夠滑夠入味,

仲要我下次再整多次俾佢食添!

一個字形容~掂!

多謝熙媽的好介紹呀!

2011年6月6日 星期一

歡迎光臨!


今日,

祈祈BB大駕光臨寒舍,

係農曆五月初五~端午節的大日子;

我呢個做姨媽一早換定床單,

開定冷氣,

等我的小客人!

今晚晚餐有:

 

2011年6月5日 星期日

燒雞髀沙律!

 
大小魔怪下星期開始期考啦!

我近日已經不斷軟硬兼施叫佢哋溫書,

可惜佢哋都係果句:

求學不是求分數!

都係要出殺手鐧嘅時候啦~美食引誘!

拿!

食完要乖乖哋去溫書啦!


 

2011年6月4日 星期六

非一般的常餐!

 
噚日睇報紙,

話D即食麵有塑化劑,

好驚呀!

因為大小魔怪自細都鐘意食即食麵,

不過好彩係我次次煮麵都會先出水,

然後再煮湯包,

咁睇落好似健康和穩陣少少囉!

近排輪到大魔怪鐘意食印尼撈麵,

加埋我嘅精心炮製,

就成為非一般的常餐啦!
不過,

好似漏咗少少嘢,

就係一杯凍飲啦!

 
 

2011年6月3日 星期五

超超超鐘意食~椰汁馬豆糕!

 

太陽伯伯太熱情啦!

我日日下午放工時,

曬到我CC吓,

唔知係咪我有幻覺,

我見到個地有煙出o架!

咁熱,

整個甜品嘆吓先得!

2011年6月2日 星期四

XO醬帶子蝦仁豆腐!

 
工人姐姐唔知買咩嘢送咗盒百福豆腐,

係硬豆腐嚟o架!


等我摷吓我個百寶雪櫃,


睇吓有咩加落去先!

 

2011年6月1日 星期三

朱古力粒小蛋糕!

 
屋企盒朱古力粉就嚟到期,
 
一定要盡快用完佢,
 
唔係倒咗就會好嘥啦!