客家豆腐卜煲!

 

因為自己唔係客家人，

又未食過真正客家豆腐卜煲，

所以好難想像佢嘅真正味道；

問問老公似唔似老爺整嘅味道，

佢話喎:

似唔似唔重要，

最梗要有自己嘅風格!

咁即係似唔似呀???

睇住屋企3個客家仔爭住食嘅反應，

答案擺在眼前啦!

(客家豆腐嘅精髓~豬肉碎係要用乾蔥頭和咸魚攪勻o架!)

 

材料:豆腐卜$7、豬肉碎$20、乾蔥1個、梅香咸魚1/2件、蔥粒

醃料: 麻油、2湯匙水

調味: 雞湯半碗、蠔油1湯匙、老抽少許、糖1茶匙和粟粉1茶匙
 
做法: 將豬肉碎、乾蔥蓉、梅香咸魚(搓蓉)和醃料醃1小時，

把豬肉餡釀在豆腐卜內， 用易潔鑊略煎豆腐卜四面後，

轉入沙鍋內，加調味和半碗水炆至水乾(約8分鐘)，灑上蔥粒便成。

 

 

 

 

 

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page