韓式牛柳炒洋蔥!

 

明天我校有哈囉喂活動，

今日我攞咗頂女巫帽出嚟，

俾定D小朋友睇，

等佢哋明天冇咁驚嚇呀!

多口問問小朋友我扮咩嘢造型???

細嘅小朋友梗係唔識答啦!

大嘅小朋友又梗係唔會答啦!

最後我同小朋友話:

我係扮靚女呀!

 (個個笑到反哂眼呀!)

 

材料: 牛柳肉、洋蔥

醃料: 韓式燒汁3湯匙、蒜蓉

做法: 將牛柳肉切片，加醃料和蒜蓉醃1小時；洋蔥切絲；

燒熱鑊加少許油爆香蒜蓉炒熟洋蔥後盛起；

再落少許油炒牛柳肉至7成熟，加洋蔥快炒多十數下便成。

呢個韓式燒汁甜甜哋，又簡單易做，用嚟醃肉都唔錯啊!

啱哂我呢個懶人呀!

 

 

 

 

 

 

大家可以入嚟Facebook讚下我新開嘅Fans專頁呀! 

 

雀后(添飯)Facebook Fan Page