老婆靚湯~蓮藕鱆魚綠豆馬蹄排骨湯!

呢個星期我做咗好媽媽、好老婆，

因為平時懶我唔多煲湯，

今個星期我煲咗2次老火湯和1次滾湯；

不過，

成日都聽人話唔好飲隔夜湯，

尤其係菜湯，(冇益喎!)

之但係我次次買一大堆材料番嚟煲湯，

一餐肯定會飲唔哂，

又唔想煲少少湯嘥爐火喎!

好矛盾啊!

(靜靜話俾大家知，其實我鐘意飲隔夜湯o架!因為仲入味呀!)

 

 

材料: 蓮藕、排骨、鱆魚乾、馬蹄、綠豆、蜜棗

做法: 排骨出水備用；蓮藕和馬蹄去皮，蓮藕切片；

鱆魚乾、綠豆和蜜棗略清洗：燒熱一鍋水，

加所以材料煲3小時，加鹽調味便成。

 

 

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page