紫蘿炒雞柳!

 

今日，同事幫我買咗樽紫薑，

呢樽紫薑都幾啱我口味，

唔太辣、好脆口，

仲唔太酸添!

用嚟炒餸就最啱啦!

材料: 雞扒3塊、紫薑適量、三色椒每樣半個、菠蘿一罐(細)、

薑蓉、蒜蓉和乾蔥蓉、蔥段

醃料: 豉油和老抽各一湯匙、糖和粟粉各1茶匙、麻油和紹酒少許

調味: 菠蘿水半碗、老抽和豉油各少許、糖和鹽半茶匙、

粟粉2茶匙和半碗水

做法: 雞扒解凍後切大件，用醃料醃1小時；三色椒切粒；

燒熱易潔鑊，落少許油爆香薑、蒜和乾蔥蓉，

加入雞件和贊酒，煎至雞件表面熟後盛起；

落少許油，加蒜蓉和三色椒略炒後；

加入雞件和調味煮至收汁，加入菠蘿粒、紫薑和蔥段炒數十下便成。
 

  


 

大家可以入嚟Facebook讚下我新開嘅Fans專頁呀!
雀后(添飯)Facebook Fan Page