2011年8月18日 星期四

後欄著火~魚肉釀辣椒!

咪睇少同事俾我嘅辣椒,

雖然樣衰衰咋,

但原來好鬼辣o架!

連食得辣嘅老公都話勁呀!

我食咗一啖已經頂唔順啦!

剩係挑咗舊魚肉食都已經辣到條脷好鬼痛,

老公話喎:呢次實後欄著火啦!








材料: 10隻辣椒、現成魚肉適量、豆豉粒、蒜蓉和蔥粒

獻汁: 蠔油1湯匙、豉油和老抽各半茶匙、糖1茶匙、

粟粉1.5茶匙和大半碗水

做法: 將辣椒界開一半去核,把現成魚肉釀入辣椒內,

燒熱2湯匙油,將有魚肉的辣椒放入鑊裡煎至魚肉金黃色,

再煎煎辣椒表面後盛起備用;用少許油鑊豆豉粒和蒜蓉,

加入獻汁和辣椒,煮至汁濃,灑上蔥花便成。



咁辣大小魔怪梗係唔食得啦!

不過佢哋話個獻汁好好味道,

用嚟撈飯就最正啦!
 
 


大家可以入嚟Facebook讚下我新開嘅Fans專頁呀! 

雀后(添飯)Facebook Fan Page

沒有留言 :

張貼留言

如果大家覺得我煮嘅餸菜啱哂口味嘅話,不妨留個言,鼓勵下我啦!