中式牛柳!

我鐘意食酸酸甜甜餸好多人都知，

不過呢個中式牛柳， 

我係第一次煮咋! 

因為奶奶唔食牛，

所以好少煮； 

最近係學校訂咗一條阿根廷3/4牛柳， 

$50磅， 

呢條有3.75磅， 

睇落都幾靚， 

唔知好唔好食呢??? 

其餘的牛柳俾我分解咗， 

放咗入冰箱!

中式牛柳

材料: 牛柳、蕃茄3個、洋蔥半個、蒜蓉

醃料: 豉油半湯匙、老抽半湯匙、糖1茶匙、粟粉1茶匙、麻油和紹酒各少許

調味: 茄汁2湯匙、鎮江醋1湯匙、鹽少許、糖2湯匙、粟粉和水大半碗

做法: 牛柳切厚片，用醃料和蒜蓉醃1小時；洋蔥切絲；

蕃茄切件；落油略煎牛柳每面1分鐘至5-6成熟盛起；

爆香蒜蓉後加蕃茄和洋蔥快炒，加調味煮至汁濃，

將牛柳回鑊快炒後上碟!

件牛柳都幾腍喎，

抵食呀!

我和小魔怪對話如下:

小:呢個餸叫咩名呀???

我:中式牛柳囉!

小:一D都唔似中式，有"蕃"茄和"洋"蔥，已經唔係中式啦!

我:好鬼爛呀!

 

大家可以入嚟Facebook讚下我新開嘅Fans專頁呀!  

雀后(添飯)Facebook Fan Page