咖哩魚蛋魷魚鬚!

今日我屋苑會洗水缸，

預咗下午會有幾個鐘冇水o架啦!

所以一早儲定D水，

仲快快手洗和醃定D餸添!

點知到咗4點左右，

忽然間連電都冇埋，

唔知發生咩事，

即刻打俾管理處問問，

佢哋都話唔知咩事，

要了解情況喎!

冇得上網和睇電視，

做咩好呢???

嘻嘻!

整咗呢個食囉!

咖哩魚蛋魷魚鬚

材料: 醬油魚蛋$20、魷魚鬚二盒、蒜蓉和乾蔥蓉

醃料: 咖哩粉1茶匙、豉油半湯匙、老抽少許、糖1茶匙、 

粟粉2茶匙、麻油和紹酒

調味: 蠔油1湯匙、海鮮醬半湯匙、咖哩粉1.5茶匙、豉油半湯匙、 

雞粉1.5茶匙、糖1茶匙和水2碗

做法: 魷魚鬚解凍洗淨抹乾水份，用醃料醃1小時； 

醬油魚蛋出水備用；燒熱鑊落油爆香蒜蓉、乾蔥蓉，  

加魷魚鬚快炒數十下，落少半碗水加鑊蓋焗30秒盛起； 

原鑊加魚蛋和調味煮5-8分鐘，落魷魚鬚煮至番滾， 

用2茶匙粟粉水埋獻便成。

今次呢個咖哩汁，好有街邊拮魚蛋feel呀!唔得啦!我食唔停口添!

 

大家可以入嚟Facebook讚下我新開嘅Fans專頁呀!  

雀后(添飯)Facebook Fan Page