呢兩日真係好熱呀!
太陽伯伯一出嚟就起碼有成24度；
不過聽講明天開始涼番D，
得15度左右，
仲會落埋雨添，
忽冷忽熱嘅天氣，
大人細路都要小心身體呀!
今日懶唔想整太多餸，
簡簡單單用個電飯煲已經攪掂一餐啦!
材料: 米4杯、雞扒2塊、冬菇10粒、大白菜3棵、
清雞湯1盒500ml、蒜蓉、乾蔥蓉
醃料: 魚露2.5湯匙、老抽半湯匙、糖2茶匙、粟粉、麻油和紹酒各少許
做法: 雞扒去皮切絲後用醃料醃1小時；冬菇去蒂切絲；
大白菜浸洗後切絲；落油爆蒜蓉和乾蔥蓉後，加雞絲、冬菇絲炒數十下後，
落埋大白菜和半碗水，加鑊蓋焗5分鐘後連汁盛起；
洗米後加500ml清雞湯、半碗水和半茶匙鹽煮飯；
當飯煮至蝦米水後(即飯面有好多窿窿)，
將雞絲、冬菇絲、菜和汁平放在飯面上，繼續煮至飯熟跳制為止，
焗15分鐘後將餸和飯撈勻食得!
大家可以入嚟Facebook讚下我新開嘅Fans專頁呀!
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!