今日嘅天氣真係好鬼死凍，
凍到連腳趾都有僵嘅感覺，
攪到我不斷食嘢嚟保暖，
睇怕呢個冬天又要肥幾十磅啦!
今晚炆咗一大煲薯仔豬軟骨，
如果食唔哂嘅話留番聽日煮麵食都好喎!
不過最大問題係仲有冇得剩呢???
材料: 豬軟骨4磅、薯仔3個、薑片、蒜蓉和紹酒
調味: 李錦記豉油雞汁5湯匙、老抽半湯匙和1碗水
做法: 豬軟骨用薑片和紹酒出水；薯仔刨皮切大件；
凍油落LC鍋，爆香蒜蓉和薑片，落豬軟骨快炒兼贊紹酒半湯匙，
加調味炆1小時後加薯仔再炆多半小時左右便成。
(如果用普通煲炆就要加3碗水和起碼炆2個鐘D豬軟骨先腍o架!)
大家可以入嚟Facebook讚下我新開嘅Fans專頁呀!
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!