2010年9月30日 星期四

詢眾要求~柱候蘿蔔炆牛筋腩!


嘻嘻!

今個星期六我唔使返工,

所以明天起一連有3日假期呀!

超開心啊!

個個blog友都話蘿蔔炆牛腩正D,

見雪櫃仲有一包牛肋條,

一於買埋蘿蔔和牛筋,

整番煲嚟食吓啦!

2010年9月29日 星期三

炒炒炒餸呀!

今日我又要留校教手工班,
所以我一返到屋企又要即刻開始炒餸;
好彩依家工人姐姐幫得手,
洗洗、切切和醃肉味道都唔錯,
不過都仲係一支芥花籽油和豉油用一星期囉!


2010年9月28日 星期二

一不離二~三色椒吞拿魚pizza!

一不離二!
焗咗個芝士香草焗肉醬意粉,
梗係要焗埋個pizza先得啦!
今次要焗得健康,
用咗D三色椒和礦泉水吞拿魚嚟焗pizza呀!
整咗一大一細pizza。


2010年9月26日 星期日

芝士怪又出現啦!

大小魔怪除咗同雞有仇外,
佢哋亦都係芝士怪嚟o架!
每次焗意粉或pizza時,
佢哋都要我舖滿D芝士嚟焗,
仲話落唔夠芝士,
D意粉和pizza唔好味喎!



2010年9月25日 星期六

叉燒

大小魔怪自從食過我整嘅叉燒之後,
佢哋話以後唔食街買果D喎!
仲話要我日日整D半肥瘦叉燒添!
嘻嘻!見佢哋咁俾面,
一於食過翻尋味先得!
講開又講,
我最鐘意食叉燒頭o架!
燶燶哋,正!
不過今餐我讓咗俾小魔怪食呀!
因為我食梗藥嘛!


2010年9月24日 星期五

五香香菇肉燥!

雖然食咗幾日中藥,
不過我認衰知衰啦!
呢幾日冇戒口,
又去燒烤,
又飲凍嘢,
所以攪到個病冇咩進展,
仲係流梗鼻水和咳。
今日見口淡淡咁,
於是整個一大鍋五香香菇肉燥,
用嚟撈飯撈麵好鬼正o架!
專登買咗支台灣醬油膏嚟煮肉燥,
感覺好台灣feel呢!
提提大家,五香粉落多D會香好多o架!


中秋燒烤!

 
前日的中秋夜,
我去咗姐姐家燒烤呀!
我哋買咗好少嘢食咋!
不過都食唔哂,
唔通我哋細食咗!
姐夫借用現代工具(風扇)起爐,
好正呀!

2010年9月21日 星期二

非一般的排骨!


真係要多謝颱風~凡亞比,
因為佢嘅關係,
俾咗半日時間等我用嚟休息。
不過人就係咁衰,
有咁多時間都唔知道做咩好呀!
唯有落街去百佳逛逛啦!
嘻嘻!又俾我買到條好鬼靚,
又好鬼滑嘅~飛排!
咩係飛排???
即係最最最滑腍嘅排骨囉!
係豬中極品嚟o架!
真係唔易買到呀!


2010年9月20日 星期一

2010年9月19日 星期日

人月兩團圓~中秋節快樂!

 
星期三是農曆八月十五~中秋節。
果日放工後我會去姐姐家燒烤;
所以襯今日係星期日,
我哋一於提早過節!

2010年9月17日 星期五

沙茶焗雞中翼!

今日又攞咗本整雞翼嘅食譜出嚟,
睇吓有咩新口味先得!
嘻嘻!仲可以清清雪櫃D醬醬嘛!


2010年9月16日 星期四

西餐~T骨扒!

今日我又手痕痕,
訂咗8塊T骨扒和4磅雞翼返屋企,
唉!個雪櫃又塞滿咗啦!
買咗T骨扒梗係要試吓啦!
襯老公今晚又要應酬,
煎3塊試吓先得!


2010年9月15日 星期三

30分鐘有得食!

今餐最梗要快,
6點幾返到屋企,
開爐焗、開鑊、買外買,
半個鐘頭有得食呀!


2010年9月14日 星期二

蒜蓉香草黑椒焗羊架!

睬睬睬!
呢排D垃圾留言好鬼核凸,
通常都係著哂三點式泳衣嘅女人,
俾我見到全部delete佢o架! 
講番今日焗呢個羊架!
已經攞咗係雪櫃好耐啦!
係上次訂凍肉時訂o架!
成個羊架好似$68咋!
抵唔抵呢!
我用咗好簡單嘅醃料,
不過就要預早一晚醃先入味囉!
仲有呀!
配埋個薄荷醬點嚟食就very good啦!


2010年9月13日 星期一

2010年9月12日 星期日

藉口!

今日係我舊曆生日!
呢輩年青人好少會記得自己舊曆生日o架!
我唔係老餅呀!
而係俾個藉口整D好嘢俾自己食之嘛!

2010年9月10日 星期五

常滿!

常滿!
唔係我個荷包,
亦都唔係屋企個米缸,
而係我個雪櫃冰箱呀!
當我每次見佢空空哋,
就會訂訂訂凍肉o架啦!
今次訂嘅凍肉有牛肋條4磅、咸豬手2隻、魚柳4磅、豬串骨1包!
雪櫃剩餘物資有羊架、酥皮、肉丸、蝦仁、香酥餅、田螺肉等等!

2010年9月9日 星期四

Le creuset~芝士白汁焗魚!

昨日場雨真係好犀利,
半夜我俾D閃電閃醒呀!
而且D雷聲仲好勁添,
攪到我晨早返工都冇哂精神啦!
下午放工返屋企真係要眠一眠先得!


2010年9月8日 星期三

白菜木耳冬菇豬肉餃!

餃餃真係食極都唔厭o架!
今次包咗92隻,
已經係我包得最多嘅一次啦!
我仲以為夠食添,
點知大小魔怪每人食咗30隻,
咁就冇咗60隻呀!
奶奶、老公和我都未食o架!


2010年9月7日 星期二

Le creuset煲湯~節瓜眉豆花生雞腳豬展瑤柱紅棗湯!

今日我又用Le creuset啦!
不過今次唔係煮餸而係煲湯!
雞腳湯係我哋一家嘅飛佛嚟o架!
而且仲會將所有湯渣食埋添,
真係一D都唔會浪費o架!
唔知道係咪我太貪心,
我煲咗一大煲水,
加埋D料已經好滿,
轉細火時有少少滾瀉呀!
個湯煲咗2個鐘,
都係唔見咗少少水咋!
(今日亞虎又唔知攪咩啦!
上載6張相得番3張,
又成日話連線有問題,
今次亞虎又有新攪作啦!)


2010年9月6日 星期一

Le creuset~咖哩薯仔排骨煲!

好心急呀!
等咗一日,
終於可以用新買嘅Le Creuset煲啦!
本來我想用咗22cm深底鍋,
不過當我將所以材料放哂落去之後,
已經滿哂,
唯有攞個Le Creuset 24cm湯煲出嚟炆咖哩啦!
唔知道係咪真係傳說中咁好用呢???

2010年9月5日 星期日

自製cheese cake和歡樂海鮮餐!

 
今日生日終於唔使自己煮飯啦!
我家有個傳統,
就是會請生日成員食飯啦!
所以母親大人、姐姐一家和妹妹一家,
嚟到我屋企打麻雀和請我食晚飯呀!
見佢哋個個咁俾面嚟賀我,
等我整個cheese cake請佢哋食啦!

今日,我生日呀!


係XX年之前,
有一個只得6磅幾嘅BB女出世,
佢嚟到呢個世界後,
唔係食就係瞓;
長大後,
雖然呢個BB女冇咩成就o架!
不過就俾佢有份唔錯嘅職業,
仲擁有一個幸福的家庭。
今年嘅生日願望,
希望大家珍惜眼前人,
對身邊的人多D關心,
身體健康最重要呀!

 
  
大家可以入嚟Facebook讚下我新開嘅Fans專頁呀! 


2010年9月4日 星期六

最滿意的生日禮物~Le Creuset!


過埋今日,
我又大一歲啦!
好想有一份啱自己心意嘅生日禮物好耐啦!
今日終於得到啦!
一早起身就出銅鑼灣,
約埋胡李媽、太得閒、lonely和我,
齊齊去香港富豪酒店,
因為LC又開倉啦!
我哋匆匆食過栥飯豆漿後,
即刻趕去啦!
點知已經有成百人排隊;
10點開門啦!
個房好鬼細,
仲好得多人添!
大家都各自各揀自己的心頭好,
好彩我哋都買到唔少嘢!
最最最差就係排隊俾錢都排咗成個鐘,
又冇人維持秩序,
好混亂呀!



2010年9月3日 星期五

熱死人咩!

呢排天氣咁熱,
一早起身都有成30度,
而且無端端又嚟打1號風球,
D雲底到好似趺落嚟咁,
又熱又焗,
好辛苦呀!
咁熱都唔想食熱嘢,
即刻整個懶人醉雞翼食吓先!