2010年5月31日 星期一

懶人版~杞子黨參醉雞翼!

 
清雪櫃裡面嘅醬醬時,
 
又俾我係廚櫃到搵到樽醉雞汁,
 
雖然呢支汁汁冇咩酒味,
 
又多味精和防腐劑,
 
不過唔想浪費,
 
唯有用嚟整懶人版~杞子黨參醉雞翼!
 
 

2010年5月30日 星期日

芒果布甸!


Birthday Cake
 



今天是母親大人慶祝生日的大日子。
 
所以
 
昨日我專登為她整了一道簡單的甜品,
 
希望她鐘意啦!
 
 
 
 

2010年5月29日 星期六

咖哩薯仔牛筋腩配薄餅!

 
其實我對工人姐姐要求唔高,
 
只要佢照我吩咐做嘢就得,
 
而我最憎人唔識做又唔去問,
 
到做錯哂D嘢時,
 
剩係識講唔知道。
 
話說我叫工人姐姐攞5-6粒馬蹄出嚟切碎蒸肉餅,
 
點知佢竟然將全部廿幾粒馬蹄切成蓉,
 
我D火即刻升哂上腦啦!
 
切碎哂D馬蹄用嚟做咩呀!
 
唔通日日食蒸豬肉咩!
 
激死我啦!
 
 

2010年5月28日 星期五

蒜香花雕雞!

 
昨晚姐姐和妹妹都不停打電話給我,
 
說找不到母親大人,
 
手提電話打不通,
 
到屋企留下問管理員都不知道她的下落,
 
令姐姐和妹妹好擔心啊!
 
驚她在家中發生意外,差點要報警呢!
 
而我呢???
 
其實我一D都唔擔心,
 
因為我總覺得母親大人一定去睇大戲。
 
果然不出我所料,
 
她真的去看大戲啊!
 
仲聽話的關掉手提電話呢!
 
母親大人呀!母親大人,
 
妳下次要出街,
 
唔該通知聲,
 
嚇死人咩???
 

2010年5月26日 星期三

變變變~蠔油雞扎!

 
上星期三,
 
我用整腐皮什錦蒸雞扎
 
好味就好味啦!
 
不過次次大小魔怪夾起雞扎時,
 
唔知道係佢哋粗暴定係我卷得太薄的關係,
 
好容易散開哂。
 
今日我再接再厲,
 
買咗一盒炸腐皮,
 
希望包得實D啦!
 
 
 
 

2010年5月24日 星期一

蒜和醬!

 
雪櫃裡的醬醬越來越多,
 
老公已經開始有少少怨言,
 
為咗唔想老公"鵝"我,
 
係時候要清清D醬醬啦!
 

 

2010年5月23日 星期日

芥菜黃豆排骨煲!

 
今次返中國我都有買少少手信o架!
 
不過呢D手信都係蔬菜,
 
因為平囉!
 
3棵芥菜2.7蚊人民幣,
 
2條青瓜3.3蚊人民幣,
 
2斤馬蹄5蚊人民幣。
 
(馬蹄最重要係冇泥外,仲可以自己逐個揀添!)

 

2010年5月19日 星期三

腐皮什錦蒸雞扎!

 
每逢上茶樓飲茶,
 
大家有冇必叫的點心呢???
 
我去親飲茶都會叫蝦餃、燒賣、鳳爪和雞扎。
 
不過現在唔知道係咪自己老咗和懶咗呢!
 
好怕等位呀!
 
今日我就整咗個雞扎過吓食癮先得!
 
自己鐘意加咩落去都得o架!
 
不過我唔記得買厚火腿呀!
 
 
 

2010年5月17日 星期一

美極炸雞軟骨!

 
今個星期大家都係返四日工咋!
 
因為星期五是佛誕公眾假期,
 
好開心啊!好期待呀!
 

2010年5月15日 星期六

老翻版~意式肉丸螺絲粉!

 
原本今日帶幼稚園小朋友和家長一齊去赤柱旅行,
 
可怕天公不造美,
 
早上發出雷暴警告,
 
為著大家的安全,
 
今次旅行決定取消。
 
小朋友們好失望啊!
 
但當我們取消旅行後2小時,
 
天又放晴了,
 
玩死人啦!
 
今日我整呢個意式肉丸都唔知道係咪咁整o架!
 
因為冇譜嘛!
 
 

2010年5月12日 星期三

人都顛呀!

 
其實我係一個怕凍又怕熱嘅人,
所以住係香港真係冇咩天氣啱我o架!
今日陪校長睇畢業禮場地,
嘩!戶外草地雖然靚,
不過7月份天氣太熱啦!
冇冷氣,人都顛呀!
(第一個係我囉!)
快快搵過另一個地方好過啦!

2010年5月11日 星期二

黑椒洋蔥牛柳粒!

 
唔知道我係咪D血太好味道,
 
次次D蚊都係咬我唔咬我老公,
 
呢排見涼涼哋咪開窗瞓覺囉!
 
點知起身後咬到我眼腫面腫,
 
好憎D衰蚊呀!

 

2010年5月9日 星期日

蒜蓉芝士香草焗青口!

 
唔知道點解,
 
我好鐘意食貝殼類食物,
 
蜆、青口、蠔仔等等。
 
今日適逢母親節,
 
整番一碟自己鐘意嘅嘢食俾自己嘆下先得!
 
 

 
 
蒜蓉芝士香草焗青口
 
 

材料:青口12隻、洋蔥半個、煙肉4片、蒜蓉、香草、芝士
 
做法: 青口解凍出水後抹乾水份
 
備用;洋蔥和煙肉切碎;不需落油爆香煙肉後加蒜蓉和洋蔥炒至洋蔥淋;
 
預熱焗爐200度15分鐘;將煙肉洋蔥放在青口面後加芝士碎和香草,
 
焗15分鐘便成。
 
 
  
  
大家可以入嚟Facebook讚下我新開嘅Fans專頁呀! 
 

 
 

2010年5月8日 星期六

日日都是母親節!

 


166mothersday52.gif



 
明天是母親節,
 
 
祝天下母親~母親節快樂!
 
做子女的要繼續孝順母親呀!
 


不過,我總覺得日日都是母親節,
並不需要在此日子到酒樓吃一餐機械式餸菜,
又貴又唔好食,
仲要等位,服務態度自然差啦!
今日,我家集齊了3位母親,
奶奶、母親大人和我,
由我做一頓家常菜給家人吃!

   大豆芽蕃茄豆腐咸排骨湯

手撕雞+自製醬汁

蓮藕魚肉煎餅

欖菜肉碎炒苦瓜

炒菜芯
 
 

 
 
  
大家可以入嚟Facebook讚下我新開嘅Fans專頁呀! 

 


 

2010年5月7日 星期五

變通~椒鹽雞扒!



每年母親節正日,
 
幼稚園總會接到區議員的邀請,
 
請小朋友參與母親節慶祝活動,
 
今年亦不例外,
 
我哋老師又要全體出動啦!
 
呢幾日係學校日日排練,
 
雖然唔係太過複雜,
 
不過就非常忙碌囉!
 

2010年5月5日 星期三

海鮮餐!

 
平時我都好少會去街市買餸,
 
通常會去百佳或佳寶等,
 
快快手買完就算。
 
不過今日見有時間,
 
咪去街市走一轉囉!
 
見到D新鮮帶子$20有10隻,
 
2蚊隻咁抵;
 
又見到新鮮生猛嘅蟶子,
 
1斤都係$24,
 
唔抵得,
 
於是買帶子$20、又買蟶子$33;
 
冇肉唔掂喎!
 
 

2010年5月4日 星期二

健康好重要!

 
越來越覺得健康好重要,
今日母親大人告訴我姐夫因血壓高而入了醫院檢查身體,
希望佢會冇事啦!
我哋大家都等梗佢出嚟開枱o架!

今日我又要食多D菜,
不過為咗就大小魔怪嘅口味,
所以每款菜都加少少肉。

2010年5月1日 星期六

五一勞動節!

 
唉!唔使返工嘅五一勞動節,
我又係五點幾起咗身,
同返工冇咩分別,
辛苦命啊!
一早去銀座百佳廣場買餸,
攞到我死死吓呀!
係雪櫃又俾我搵到包猴頭菇花膠湯包,
好,今日決定煲湯!

吞拿魚蟹柳千島醬pizza!

 
襯今日係五一勞動節,
我梗係要勞動吓啦!
嘻嘻!大家唔好誤會我會做屋企嘢喎!
我係動手整pizza呀!
又係冇譜嘅自製搓pizza皮,
普通麵粉、鹽、糖、依士粉和油,
搓成粉糰後用保鮮紙包好,靜待1個半小時。
預熱焗爐200度15分鐘;
pizza面加千島醬、吞拿魚、蟹柳、粟米和蘑菇,
最後加pizza芝士焗20分鐘。
整咗1個大1個小都唔夠大小魔怪食呀!