懵到上心口呀!

今日我好大懵呀!

話就早上食完早餐後，

我發覺我個手提電話唔係個袋度，

不過我肯定我有帶電話出街，

即刻問同事借電話打番屋企叫老公幫我搵；

又立即打番自己個電話睇吓嚮唔嚮呀!

打第一次係嚮o架!

不過打第二三四次就飛咗落留言，

好驚呀!

因為好大機會俾人攞咗呀!

好唔開心呀!

破財唔緊要，

最最緊要係我D電話號碼呀!

於是番轉頭去餐廳搵，

又狂剿自己個袋，

係係係度啦!

原來我攞咗落袋底，

即時打番個電話話俾老公知，

仲俾老公"省"咗一餐添!

   沙爹雞柳

材料: 雞扒3塊、印尼沙爹糕

醃料: 魚露3湯匙、老抽1湯匙、糖2茶匙和粟粉1茶匙

做法: 雞扒切條或塊狀，用醃料醃2小時；用易潔鑊煎或炸雞均可；

用熱水開印尼沙爹糕至糊狀，將沙爹醬淋在雞面或點沙爹醬食均可。

 梅菜蒸鯇魚

雞湯白菜芯

 

  

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page