颱風"鮎魚"終於肯走，
聽日嘅家長會可以照常舉行!
小魔怪話今日吹D風先似秋天喎!
令我好想好想去燒嘢食添!
不過冇人肯陪我去呀!
今日學人焗脆卜卜嘅羊架，
唔知道成唔成功呢???
香草蒜蓉黑椒焗羊架
材料: 羊扒8件、鹽、麵包糠3湯匙和牛油1湯匙
醃料: 蒜
蓉5粒和2粒乾蔥剁碎、黑椒碎、雜香草和紹酒
做法: 將羊扒解凍，用醃料醃隔夜；
將麵包糠、牛油和醃羊扒嘅蒜蓉或加1粒蒜頭剁蓉撈勻；
將易潔鑊燒熱，在羊扒上灑上少許鹽調味，落油煎羊扒每面約15秒左右；
預熱焗爐230度15分鐘，將麵包糠混合物放在羊架面，
放入焗爐焗15分鐘左右便成；食時配埋薄荷醬。
(焗10分鐘係四成熟；15分鐘係半成熟；20分鐘係七成熟；25分鐘係全熟呀!)
薑蔥蒜手撕雞
材料: 雞1隻、蒜蓉、蔥蓉和薑蓉醃料: 鹽、紹酒
調味: 豉抽、老抽、糖、麻油
做法: 雞用鹽和紹酒醃半天；蒸雞25分鐘後焗多5分鐘，
待涼拆肉。將蒜蓉、蔥蓉和薑蓉落鑊炒香，
加入預先調好的調味料內便成。
娃娃菜肉丸滾魚湯
材料: 娃娃菜1包、肉碎$10、魚湯寶1粒和2塊薑片
醃料: 豉油、糖、粟粉做法: 將5碗水、1粒魚湯寶和薑片煮滾；
將肉碎搓成粒粒丸狀；娃娃菜切開小段；
把肉丸和娃娃菜加入魚湯煲15分鐘左右便成。
大家可以入嚟Facebook讚下我新開嘅Fans專頁呀!
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!