藉口!

今日係我舊曆生日!

呢輩年青人好少會記得自己舊曆生日o架!

我唔係老餅呀!

而係俾個藉口整D好嘢俾自己食之嘛!

    蒜蓉香草牛油焗全雞

材料: 冰鮮雞一隻

醃料: 蒜蓉5-6粒剁碎、鹽2-3茶匙、香草適量、牛油1湯羹(溶液)和紹酒少許

做法: 洗淨雞去頭尾開邊，用醃料醃雞半天；預熱焗爐200度15分鐘，

放焗爐最底果隔，上火焗雞背20分鐘，反轉焗雞皮面30分鐘，

焗至雞皮金黃色便成。

         XO醬青瓜炒蝦仁

材料: 急凍大蝦仁半磅、青瓜2條、蒜蓉2粒剁碎、XO醬2茶匙

醃料: 鹽半茶匙和胡椒粉

做法: 將蝦仁解凍抹乾水份，用醃料醃15分鐘；青瓜切片；

先落油爆香蝦仁至8成熟備用；再爆香蒜蓉炒青瓜加半碗水焗4-5分鐘；

落XO醬和蝦仁快炒數十下後上碟。

酥皮蘑菇湯(罐頭湯)

下次記得Le creuset開倉買多幾個兜兜先得!

好鬼好用呀!

今次焗酥皮湯，

個個都想飲呀!

最後，我和大魔怪爭贏咗呀! 

老公、小魔怪同奶奶齋飲湯冇酥皮!

 

  

大家可以入嚟Facebook讚下我新開嘅Fans專頁呀!  

雀后(添飯)Facebook Fan Page