今日係我放暑假嘅第一個星期一，
真係唔明點解我都係5點幾已經醒咗，
超冇癮啊!
晨早起身便上網周圍八吓，
然後順便落街嘆個超標雞扒早餐，
嘻嘻!我唔食早餐唔安落呢!
跟住我當行晨運咁行咗去嘉湖銀座百佳超級廣場買餸，
一來一回出咗成身汗，
補番做運動條數啦!
係放假嘅日子，
如果得閒許可嘅話，
我會出多過一篇blog，
記低我呢幾日所整過嘅嘢食o架!
芝士焗肉醬茄子螺絲粉
材料: 茄子2條、蕃茄2個、豬肉碎$15、洋蔥半個、
螺絲粉1包375g、蒜蓉、有機香草蕃茄醬和芝士碎
醃料: 豉油、老抽、糖、粟粉、麻油和水少許
做法: 用醃料醃豬肉碎；蕃茄用滾水煲2分鐘後去皮切成粒；
洋蔥切粒；螺絲粉出水後用焗碟盛起；茄子切片煎熟備用；
落油炒香蒜蓉加肉碎、洋蔥、蕃茄蓉、有機蕃茄醬4湯匙和1碗水，
煮成肉醬加糖調味；將茄子平放在螺絲粉上，把肉醬舖在茄子面，
加芝士碎焗15分鐘或至表面金黃色便成。
今次我焗咗2大碟，
全部俾大小魔怪食哂啦!
一條粉都冇剩呀!
大家可以入嚟Facebook讚下我新開嘅Fans專頁呀!
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!