唔係嘛!
買咗幾日嘅新電腦又壞咗，
放咗工拿拿臨攞去整啦!
好彩未過保養，
唔使俾錢咋!
唔夠時間整咁多餸，
剩係整個魚批，
碟雞翼係買現成醃好嘅，
買番嚟焗熟佢就食飯啦!
白汁芝士菠菜薯蓉焗魚批
材料: 魚柳2大塊、蝦仁1盒、薯仔4個、菠菜半斤、
金寶蘑菇湯1罐、牛油、鮮奶少許和芝士碎
調味: 鹽、胡椒粉做法: 魚柳和蝦仁解凍後用鹽和胡椒粉略醃；
薯仔烚熟後加鹽、牛油和鮮奶少許搓成薯蓉；菠菜洗淨後切碎；
金寶湯加半碗水煮滾備用；將魚柳、蝦仁放在焗盆內，
加菠菜和淋上蘑菇湯，最後將薯蓉和芝士碎放在魚批面，
用200度焗25-30分鐘，至表面有微微燶呀!
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!