安慰！

 

諗諗吓，我都有成5日冇煮飯囉!

 

昨日當我返到屋企時，

 

啱啱大小魔怪食緊飯，

 

小魔怪好細聲咁同我講:

 

媽咪，我唔想食雞翼啦!

 

呢幾日食雞翼食到厭哂呀!

 

哈哈!佢哋依家先知道我呢個做媽咪偉大呢!

 

日日都諗D唔同嘅餸俾佢哋食，

 

竟然仲成日話我整得唔好味道，

 

依家見佢哋有少少掛住我D嘢食，

 

我都有少少安慰囉!

 

蒜頭豆豉帶子蒸豆腐

 

 

材料: 帶子16粒、豆腐1盒、蒜頭豆豉醬、蔥粒

 

調味: 蒸魚豉油、老抽和麻油

 

做法: 將豆腐切成16塊放在碟中，把帶子放在豆腐上，

 

將蒜頭豆豉醬鋪在帶子面上，蒸3分鐘左右；

 

用廚房紙索乾碟內水份，取出後加蔥粒，燒熱滾油淋在豆腐面，

 

把蒸魚豉油、老抽和麻油混合後，淋在豆腐上。

 

 

 
 

  

大家可以入嚟Facebook讚下我新開嘅Fans專頁呀! 

 

雀后(添飯)Facebook Fan Page