2010年3月12日 星期五

白汁芝士焗雞、砂鍋獅子頭!

 
今日我整呢個兩餸,
 
基本上啱哂我一家人嘅口味。
 
雞、薯仔、洋蔥、白汁加芝士碎,
 
仲要係焗到金黃色,
 
未煮諗起都想食呀!
 
炸香嘅獅子頭,
 
加埋雞湯和娃娃菜一齊煮,
 
嘩!好清甜啊!
 


白汁芝士焗雞
 
 

材料: 雞扒3塊、薯仔2個、洋蔥半個、白汁蘑菇湯1罐、
 
蒜蓉和乾蔥蓉
 
醃料: 豉油、老抽、糖、粟粉和麻油
 
做法: 雞扒解凍後去皮切塊狀,用醃料醃半小時;
 
薯仔去皮切片略炸;洋蔥去皮切片;落油爆香蒜蓉和乾蔥蓉,
 
炒雞塊和薯仔至半熟,加洋蔥、白汁蘑菇湯和1碗水煮10分鐘,
 
汁略杰身後上焗碟;最後加芝士碎在雞面焗10分鐘至金黃色便成。
 

 


砂鍋獅子頭
 
 

材料: 豬肉碎$20、馬蹄6粒、冬菇5隻、娃娃菜和雞湯375L
 
醃料: 豉油、老抽、糖、麻油和粟粉
 
做法: 將豬肉碎、冬菇和馬蹄切碎攪勻,用醃料醃1小時;
 
娃娃菜切片洗淨備用;將豬肉碎搓成大肉丸,落油鑊炸至金黃色;
 
將雞湯加1碗半水燒滾後加娃娃菜和肉丸煮15分鐘便成。
 
 

 
 
  
大家可以入嚟Facebook讚下我新開嘅Fans專頁呀! 

 


 

沒有留言 :

張貼留言

如果大家覺得我煮嘅餸菜啱哂口味嘅話,不妨留個言,鼓勵下我啦!