11月15日是長者日，
祝各位長者身體健康!
做仔女嘅記得孝順佢哋呀!
啱啱我和同事帶著一大班小朋友為長者日表演，
在場的長者和家長見到這班得意活潑的小朋友又唱又跳，
個個都笑到見牙唔見眼啊!
天寒地凍，
又啱食煲仔菜嘅時候啦!
今次我整嘅係栗子冬菇炆雞煲。
栗子冬菇炆雞
材料: 雞1隻、栗子半斤、冬菇10隻、蒜頭和薑片
醃料: 豉油、老抽、糖和紹酒
調味: 蠔油、糖、豉油、老抽、粟粉等
做法: 用醃料醃雞半天；栗子去衣和冬菇切開１半；
用薑片和蒜頭起鑊，爆雞至半熟，加栗子、冬菇和贊酒；
加調味炆45分鐘；燒熱瓦煲，將雞放入煲內，
熱辣辣煲仔菜上枱啦!
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!