2009年10月10日 星期六

雲芝茶樹菇湯!

 
最近母親大人專誠買了一個湯包給我,
說要我煲湯給她的乖孫飲!
翻看原本又是媽咪靚湯~雲芝茶樹菇湯;
湯包裡面都好足料喎!
我買咗$30瘦肉煲湯!
     

     

  雲芝茶樹菇瘦肉湯

老公上星期突然話想食豆腐卜同芽菜,
嘩!我即刻大笑起來,
話好似七月十四嘅餸菜喎!
咁啱,早前去姐夫家借了幾本食譜,
睇咗江獻珠女士本珠璣小館裡有教煮呢個餸,
哈哈!我又學吓人煮番次俾老公食啦!
我第一次買麵根球,
都唔知道係咩樣?
唯有問問老板娘好似波嘅麵根係點o架!
老板娘响雪櫃攞咗個雪硬咗嘅物體出嚟話呢個就係麵根啦!
哦!原來係咁!真係孤陋寡聞!
     
     
     
     
     

  豆腐卜大豆芽菜煮麵根

材料:豆腐卜$5、大豆芽菜半斤$3、麵根一個$3.5、薑片5塊。
調味:麵豉醬2匙羹、蒜蓉、乾蔥蓉、老抽、糖和水。
 
準備:將面根解凍後,撕開細小塊出水約5分鐘備用;豆腐卜一開3後,
 
出水3分鐘擠乾水;大豆芽去根。
 
做法:用易潔鑊不加油烘大豆芽至軟身盛起備用;
 
下油爆香薑片、蒜蓉、乾蔥蓉和麵豉醬,
 
將豆腐卜和麵根和2碗半水加入鑊裡炒,水滾後加大豆芽菜煮至汁濃,
 
約30分鐘左右,試味後落糖和鹽便成。

     

 翠肉瓜炒牛柳肉
     
     

蠔油栗子炆排骨

P.S. 我今次用嚟炒嘅牛肉選用咗牛柳肉,
        又腍又好味道,正呀!
 
 

 
 
  
大家可以入嚟Facebook讚下我新開嘅Fans專頁呀! 

 

 

2 則留言 :

如果大家覺得我煮嘅餸菜啱哂口味嘅話,不妨留個言,鼓勵下我啦!