醉豬手!

 

呢兩日香港嘅氣溫起碼超過32度以上呀!

 

每次出完街返屋企我都會成身汁哂!

 

太熱啦!

 

而每日煮完晚飯後，

 

我都好似入咗火爐行返出嚟一樣，

 

成身熱辣辣，

 

D汗仲流極都流唔完咁，

 

開咗冷氣都冇用，

 

點算呀???

 

唯有唔整咁多熱嘢食，

 

整涼菜!

 

上網睇過參考資料後，

 

便整咗呢個醉豬手。

 

醉豬手

 

 

做法: 2支醉雞汁和1支花雕酒，

 

將豬手用薑、蔥、花雕少許出水1個半小時，

 

然後撈起豬手放入大量冰塊中浸10-20分鐘，

 

再把豬手放入大膠箱裡加2支醉雞汁和大半碗花雕酒，

 

最緊要D汁要浸過豬手喎!

 

放入雪櫃半日或醃過夜，咁就有得食啦!

 

     

 

D汁仲可以再用整雞翼、雞翼尖或乳鴿添!

 

不過一定要試味喎!

 

如果唔夠味就加花雕酒就得!

 

姐姐剛剛由加拿大公幹回來，

 

帶咗D煙三文魚返嚟請我哋食，

 

於是我哋又帶埋醉豬手出沙田啦!

 

 

 

  

  

大家可以入嚟Facebook讚下我新開嘅Fans專頁呀! 

 

 

雀后(添飯)Facebook Fan Page