又到咗星期五，
明天星期六唔使返工，
又可以休息2日啦!
另外，大魔怪終於肯去剪頭髮而唔打機(一陣啦)，
點解佢有咁大轉變???
緊係啦!佢上星期六返童軍時，
隊長話佢頭髮太長一定要剪頭髮，
咁咪要係今日之內要剪頭髮囉!
剪頭髮之外，
我同佢去大快活食咗個豬扒包加燒雞翼餐，
佢一個人食哂仲話唔飽喎!死味!
開始準備今日的晚餐，
好耐冇整咕嚕肉啦!
係佳寶買咗D梅頭豬扒，
用豉油、老抽、糖、粟粉和麻油醃2小時，
然後將已醃的豬扒沾上蛋漿和粟粉，
放在滾油炸至金黃色撈起，
臨食前再炸一次，咁D豬扒就會脆D啦!
用吸油紙吸油後，
回鑊炒豬扒、菠蘿和甜酸醬便成。
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!